chevron_left

Курс «Адзенне» зацікавіць тых, хто хоча пашырыць лексічны запас па гэтай тэме. Курс складаецца з 2 узроўняў, у кожным вы знойдзіце пэўныя матэрыялы і заданні:

  • актыўны слоўнік з адпаведнай узроўню лексікай;
  • заданні на візуальнае спазнаванне (супастаўленне іконкі і слова са слоўніка);
  • тэст-цікавінку, дзе прапанаваны пытанні на веданне незвычайных фактаў пра адзенне;
  • тэкст і інш.

Паступова выконваючы заданні, вы запомніце новыя словы і патрэніруецеся іх правільна ўжывать .

Для замацавання тэмы «Адзенне» мы рэкаміндуем звярнуцца да раздзелу «Тэксты для чытання» і азнаёміцца з тэкстам «Гісторыя моды ХХ стагоддзя». Падчас чытання звяртайце ўвагу на ўжыванне слоў па дадзенай тэме. Таксама выкарыстоўвайце матэрыялы курсаў "Абутак".

  • ЗАДАННЕ

    Прачытайце тэкст, замест малюнкаў устаўце словы са слоўніка.

    З гісторыі моды

    Знакамітая Коко Шанэль перапранула ў XX стагоддзі мільёны жанчын. Шанэль вызваліла сучасніц ад цесных гарсэтаў і шматслойных доўгіх (1) . Дызайнер вынаходзіла практычную вопратку, актуальную ў розны час. Яе (2)  з джэрсі карысталіся неверагодным поспехам. У 1919 годзе канцэпцыя сучаснага адзення, прапанаваная Кока Шанэль, была прызнана ў Еўропе і за акіянам. Трыкатажныя (3) , (4) і  (5) зрабілі жанчын больш упэўненымі ў сабе і свабоднымі ў рухах.

  • АДКАЗ (клiкнi!)
    1. спадніц
    2. сукенкі
    3. світары
    4. штаны
    5. джэмперы
  • ЗАДАННЕ

    Апраніце жанчыну і мужчыну! З дадзеных слоў складзіце як мага больш розных варыянтаў (адказ даецца для прыкладу).
     

    Камізэлька Кофта Джэмпер Шорты Куртка Паліто Джынсы Камбінезон Пінжак Світэр Кашуля Штаны Спадніца Сукенка 

    Узор: мужчына: штаны+ кашуля+камізэлька; жанчына: спадніца+ кофта.


    Мужчына:                                                      


      


    Жанчына:


      


  • АДКАЗ (клiкнi!)

    Мужчына: джэмпер + штаны + куртка, кофта + джынсы + паліто, кашуля + камізэлька + штаны, футболка + шорты, футболка + джынсы,  пінжак + кашуля + штаны, пінжак + кашуля + камізэлька + штаны,  джынсы + кашуля,  джынсы + кашуля + джэмпер, джынсы + кашуля + пінжак, джынсы + світэр…

    Жанчына: джэмпер + спадніца + куртка, кофта + спадніца + паліто, кашуля + штаны, футболка + шорты, футболка + джынсы,  пінжак + кашуля + штаны, пінжак + кашуля + спадніца,  джынсы + кашуля,  джынсы + кашуля + джэмпер, джынсы + світэр, сукенка + пінжак, сукенка + паліто, джынсы + кашуля + пінжак …

  • ЗАДАННЕ

    Адзенне: вы ведвеце, якое яно, яго характарыстыкі? Злучыце словы са слупкоў так, каб атрымалася словазлучэнне, якімі можна апісаць той ці іншы прадмет гардэроба. 

    Узор: спадніца + міні — спадніца міні (2 ж).

    1. Штаны                а) маленькая чорная
    2. Спадніца            б) оверсайз
    3. Джэмпер            в) класічная 
    4. Паліто                г) зімовая 
    5. Кашуля              д) вязаны
    6. Джынсы             е) вузкія/ скіні
    7. Куртка               ж) міні
    8. Сукенка             з) са стрэлкамі
  • АДКАЗ (клiкнi!)

    1 з, 2 ж, 3 д, 4 б, 5 в, 6 е, 7 г, 8 а.

СКЛАД КУРСА